შვეიცარიის ელჩი, ჰაიდი გრაუ ვიზიტით მარნეულის მუნიციპალიტეტის სოფელ მარადისში იმყოფებოდა. ვიზიტის ფარგლებში, ელჩმა მოინახულა შვეიცარიული ორგანიზაცია HEKS-EPER-ის ფინანსური მხარდაჭერით მიმადინარე CENN-ის პროექტის „კლიმატის ცვლილების მიმართ მედეგი სოფლის მეურნეობა – PRAISE Marneuli“ დახმარებით შექმნილი სადემონსტრაციო ნაკვეთები და შეხვდა ქალთა სასოფლო-სამეურნეო კოოპერატივ „მწვანე მარადისის“ წევრებს.
ელჩი ასევე შეხვდა სოფელ მარადისის ეკო კლუბისა და მარნეულის გოგონების გაძლიერების კლუბის წევრებს და გაეცნო ახალგაზრდების მიერ განხორციელებულ სათემო აქტივობებს.
შვეიცარიის ელჩის ვიზიტი განხორციელდა “კლიმატის ცვლილების მიმართ მედეგი სოფლის მეურნეობა – PRAISE MARNEULI” პროექტის ფარგლებში, რომელიც ხორციელდება CENN-ის მიერ, HEKS-EPER-ის ფინანსური მხარდაჭერით. პროექტის მიზანია მარნეულის მუნიციპალიტეტში მოსახლეობის შემოსავლის შექმნის შესაძლებლობების გაზრდა, გარემოსადმი მეგობრული და კლიმატის ცვლილების მიმართ მედეგი სოფლის მეურნეობის (CRA) ხელშეწყობის გზით.