კლიმატის მიმართ მედეგი სოფლის მეურნეობა – PRAISE Marneuli

ადგილობრივ დონეზე ადაპტაციის მექანიზმების ინტეგრაციისა და სოფლის მეურნეობის სისტემების მდგრადობის გაზრდის მიზნით, პროექტმა ‘ქვემოდან ზემოთ’ პრინციპის გათვალისწინებით შეიმუშავა  კლიმატის მიმართ მედეგი სოფლის მეურნეობის ინკლუზიური ჩარჩო გეგმა, რომელიც მორგებულია ადგილობრივი მოსახლეობისა და ადგილობრივი ხელისუფლების საჭიროებებსა და პრიორიტეტებს.  კლიმატის მიმართ მედეგი სოფლის მეურნეობის ჩარჩო გეგმა ხელმისაწვდომია სათემო ინსტიტუტებისა და ადგილობრივი დაინტერესებული მხარეებისთვის.   როგორც ცოდნის მასალა და სახელმძღვანელო კულტურების წარმოებაში, მეცხოველეობის წარმოებასა და მიწის მენეჯმენტში ადაპტაციის პრაქტიკის დაგეგმვისა და განხორციელებისთვის. პროექტის ფარგლებში შეიქმნა მარნეულის მუნიციპალიტეტის დაინტერესებულ მხარეთა მრავალსექტორული სამუშაო ჯგუფი, რომელიც მოიცავს 17 დაინტერესებულ მხარეს სხვადასხვა სექტორიდან მოწყვლადი ჯგუფების თანაბარი მონაწილეობით. მრავალსექტორული სამუშაო ჯგუფი აქტიურად იყო ჩართული მუნიციპალიტეტის დონეზე კლიმატის მიმართ მედეგი სოფლის მეურნეობის პრაქტიკის დანერგვისთვის ხელისშემშლელი წინააღმდეგობების გამოვლენაში და და წარმოშობილ გამოწვევებზე დაყრდნობით, ადვოკატირების კამპანიების დაგეგმვასა და განხორციელებაში. ადვოკატირების საკითხები დაკავშირებულია სარწყავი სისტემების ეფექტურ მართვასთან, ნარჩენების მართვასთან და ნიადაგის დაბინძურების პრევენციასთან. მრავალსექტორული სამუშაო ჯგუფის წევრები ასევე მოქმედებენ როგორც ცოდნის მულტიპლიკატორები ადგილობრივი მაცხოვრებლების ინფორმირებულობის ასამაღლებლად სოფლის მეურნეობაზე კლიმატის ცვლილების გავლენის, შერბილებისა და ადაპტაციის პრაქტიკის მნიშვნელობის შესახებ და ხელს უწყობენ კლიმატის მიმართ მედეგი სოფლის მეურნეობის განვითარებას. გარდა ამისა, 2 საპილოტე ნაკვეთის განვითარება მიზნად ისახავს კლიმატის მიმართ მედეგი სოფლის მეურნეობის პრაქტიკის და ადაპტაციის ტექნიკის წარმოჩენას და ფერმერებისა და ექსტენციის სპეციალისტების უნარების ამაღლებას კლიმატის მიმართ მედეგი სოფლის მეურნეობის შესახებ.