ევროკავშირის მხარდაჭერილი პროექტის „სამოქალაქო საზოგადოების გაძლიერება ინკლუზიური მწვანე პოსტ-კოვიდ აღდგენისთვის“ ფარგლებში სამოქალაქო მონაწილეობის 6-თვიანი სასწავლო პროგრამის მეორე ნაკადი დასრულდა.
პროგრამაში მონაწილეობდნენ 18-30 წლამდე ახალგაზრდები ქვემო ქართლისა და სამცხე-ჯავახეთის რეგიონებიდან. მონაწილეებმა გასული წლის ზაფხულს სამოქალაქო განათლების ბანაკის გავლის შემდეგ, სოციალურ საკითხებზე ორიენტირებული სხვადასხვა საპროექტო იდეა შეიმუშავეს. თემატური ექსპერტების დახმარებით იდეების დამუშავებისა და დახვეწის შემდეგ კი წარმატებულმა 4 პროექტმა 1 500 ლარის ფინანსური მხარდაჭერა მიიღო.
პროექტები 2023 წლის ოქტომბრიდან 2024 წლის იანვრამდე 4 მუნიციპალიტეტიდან (ასპინძა, ბოლნისი, მარნეული და ნინოწმინდა) წარმოდგენილმა აქტივისტთა ჯგუფებმა განახორციელეს.
ასპინძა
პროექტი „დავასაქმოთ ქალები“ ასპინძის სოფელ დამალასა და ახალციხის სოფელ წყრუთში მცხოვრებ ეთნიკური უმცირესობის წარმომადგენელ ქალებში უმუშევრობის მაჩვენებლის შემცირებას ისახავდა მიზნად. პროექტის ფარგლებში ჩატარებულ შეხვედრებზე, რომლებსაც 18-45 წლამდე 30-მდე ქალი ესწრებოდა, მოწვეული იყო დასაქმების სააგენტოს, ახალციხის მუნიციპალიტეტის გენდერული საბჭოს წარმომადგენელი და ფსიქოლოგი. ქალებმა მიიღეს რჩევები და ინფორმაცია დასაქმების შესაძლებლობებზე. დამსწრე ქალების მიერ გამოითქვა სურვილი სახელმწიფო ენის შესწავლასთან დაკავშირებით, ბევრი მათგანი კი დასაქმების სააგენტოს წარმომადგენლის მიერ შეთავაზებულ კურსებზეც დარეგისტრირდა.
ბოლნისი
პროექტი „ახალგზარდების ხმა მშვიდობისთვის“ ბოლნისის მუნიციპალიტეტში, დაბა კაზრეთში, სოფელ ქვემო ბოლნისსა და სოფელ ხაჩინში განხორციელდა. პროექტი მიზნად ისახვდა სოფლად მცხოვრებ ქართველ, სომეხ და აზერბაიჯანელ ახალგაზრდებს შორის თანამშრომლობის გაუმჯობესებასა და კულტურული სხვაობით გამოწვეული სტერეოტიპების დაძლევას. დაგეგმილ აქტივობებში, რომელთა შორის იყო ტრენინგები ინდივიდუალიზმსა და მიმღებლობაზე, კულტურულ სტერეოტიპებზე და სხვა თემებზე, მონაწილეობას საშუალოდ 50-მდე 14-29 წლამდე ახალგაზრდა იღებდა.
მარნეული
პროექტი „მტკიცე კავშირი სრულყოფს მომავალს“ 12-18 წლამდე აზერბაიჯანელი და ქართველი ახალგაზრდების საზოგადოებაში ინტეგრაციას ემსახურებოდა. სკოლის მიღმა არსებული საგანმანათლებლო პროგრამებისა და გენდერული და კულტურული სტერეოტიპების შესახებ ცნობიერების ამაღლებაზე ორიენტირებული შეხვედრები მარნეულის სოფელ ლეჟბადინსა და შულავერში ჩატარდა. შეხვედრებს 60-ზე მეტი სკოლის მოსწავლე ესწრებოდა.
ნინოწმინდა
პროექტი „მე ვარ საზოგადოების ნაწილი“ ნინოწმინდის სამ სოფელში – დიდი ხანჩალი, პატარა გონდრიო და ეშტია – გაიმართა და მიზნად ისახავდა ინკლუზიური გარემოს შექმნის ხელშეწყობას მუნიციპალიტეტში. შშმ პირვებისთვის ადაპტირებული გარემოს შექმნის ადვოკატირებასა და ინკლუზიური განათლების შესახებ ტრენინგები ჩატარდა 50-მდე ახალგაზრდასთან. პროექტის ფარგლებში შეიქნმა სოციალური ქსელის გვერდი, თემატური ინფორმაციის უფრო ფართოდ გავრცელების მიზნით. ასევე, სამენოვანი ონლაინ სტატია გამოქვეყნდა ადგილობრივ მედიაში.
პროექტი „სამოქალაქო საზოგადოების გაძლიერება ინკლუზიური და პოსტ-კოვიდ აღდგენისათვის“ 4-წლიანი ინტერვენციაა, რომელიც დაფინანსებულია ევროკავშირის მიერ და მიმდინარეობს 2022 წლის იანვრიდან. პროექტი ხორციელდება ორგანიზაცია CENN-ის მიერ კონსულტაციისა და ტრენინგის ცენტრთან (CTC), ქვემო ქართლის მედიასა (KKM) და ორგანიზაცია პირველ ევროპელთან(FE) ერთად.