2021 წელს ჩვენმა გუნდმა ხელახლა შეაფასა ორგანიზაციის სტრატეგიული მიმართულებები და განაახლა ის გლობალური გამოწვევების შესაბამისად. შედეგად, გავაფართოვეთ ჩვენი სამუშაო არეალი და ჩამოვაყალიბეთ ახალი სტრატეგიული მიმართულებები, რომლებიც სრულად პასუხობს მდგრადი განვითარების გლობალურ მიზნებს.

 

ჩვენ ვამაყობთ, რომ გვაქვს შესაძლებლობა, ვიმუშაოთ ისეთი გლობალური მნიშვნელობის საკითხებზე, როგორებიცაა დემოკრატია და კარგი მმართველობა, განათლება და ახალგაზრდობა, საზოგადოებრივი ჯანმრთელობა და კეთილდღეობა და რა თქმა უნდა, სოფლის მეურნეობა და სოფლის განვითარება, ენერგეტიკა, კლიმატი და ინკლუზიური ეკონომიკური განვითარება.

 

ვიმედოვნებთ, რომ ეს მაგალითს მისცემს სხვა CSO-ებსაც, შეაფასონ თავიანთი საქმიანობა SDG-ების ჭრილში და აჩვენონ თავიანთი წვლილი გლობალური განვითარების მიზნების მიღწევაში.