CENN-მა, გერმანიის მთავრობის ფინანსური მხარდაჭერით და საქართველოს SDG საბჭოს სამდივნოსთან (მთავრობის ადმინისტრაცია) თანამშრომლობით ხუთი მუნიციპალიტეტის ადგილობრივ ხელისუფლებას (ქუთაისი, ზუგდიდი, ბათუმი, თელავი, რუსთავი) მდგრადი განვითარების მიზნების (SDGs) მუნიციპალური დოკუმენტების შექმნაში მხარი დაუჭირა.
მუნიციპალიტეტებში SDG დოკუმენტის შემუშავების მიზანია გაეროს მდგრადი განვითარების მიზნების ადგილობრივ დონეზე დანერგვა თითოეული მუნიციპალიტეტის განვითარების ძირითადი მიმართულებებისა და პრიორიტეტების, ასევე ადგილობრივი საჭიროებების შესაბამისად. გაეროს მდგრადი განვითარების მიზნების კონცეფცია ხელს უწყობს სოციო-ეკონომიკურ და გარემოს დაცვითი საკითხებისადმი კომპლექსური ხედვისა და მუნიციპალიტეტის პრობლემების გადასაჭრელად ახლებური მიდგომების დამკვიდრებას არსებული რესურსების გათვალისწინებით.
პრიორიტეტების დოკუმენტის შემუშავების პროცესში კრიტიკულად მნიშვნელოვანია მრავალსექტორული ჩართულობა, რათა უზრუნველყოფილ იქნას მოწყვლადი ჯგუფების საჭიროებების გათვალისწინება, ადგილობრივი საჭიროებების სიღრმისეულად გააზრება, რეალისტური ამოცანების, ინდიკატორებისა და სამიზნე მაჩვენებლების დასახვა.
სამიზნე მუნიციპალიტეტებში ადგილობრივი SDG პრიორიტეტების დოკუმენტზე მუშაობის დაწყებამდე, CENN-მა სამოქალაქო სექტორთანაც გამართა ცნობიერების ამაღლების შეხვედრები მდგრადი განვითარების ადგილობრივ დონეზე დანერგვის პროცესში მათი არსებითი ჩართულობის ხელშეწყობისათვის. CENN-მა, დოკუმენტის სამუშაო ვერსიების საჯარო განხილვისათვის ადგილობრივი ხელისუფლების მიერ ინიცირებული საჯარო შეხვედრების ორგანიზებასაც შეუწყო ხელი, რომლებშიც მონაწილეობას იღებდნენ ადგილობრივი ხელისუფლების, არასამთავრობო ორგანიზაციებისა და სამოქალაქო საზოგადოების წარმომადგენლები.
მდგრადი განვითარების მიზნების ადგილობრივ დოენზე დანერგვისათვის აღნიშნული საქმიანობები პროექტის „SDG-ების განხორციელების ხელშეწყობა საქართველოში“ ფარგლებში, რომელსაც ფინანსურ მხარდაჭერას უწევს გერმანიის საერთაშორისო თანამშრომლობის საზოგადოება (GIZ) გერმანიის ეკონომიკური თანამშრომლობისა და განვითარების ფედერალური სამინისტროს (BMZ) ეგიდით. პროექტის მიზანია SDG-ების განხორციელების ხელშეწყობა, ნაციონალიზაციისა და ლოკალიზაციის (ადგილობრივ დონეზე დანერგვის) პროცესების გაგრძელება მონაწილეობითი პროცესისა და მრავალსექტორული დიალოგის უზრუნველყოფის გზით ადგილობრივ და ეროვნულ დონეზე.
პროექტი მიმართულია საქართველოში SDG საბჭოს სამდივნოს, თემატური სამუშაო ჯგუფების, არასახელმწიფო დაინტერესებული მხარეების შესაძლებლობების გაძლიერებისკენ, რითიც ხელს უწყობს ქვეყნის მდგრად განვითარებას.