ევროკავშირის მხარდაჭერით მიმდინარე პროექტის „სამოქალაქო საზოგადოების გაძლიერება ინკლუზიური და პოსტ-კოვიდ აღდგენისათვის“ ფარგლებში განხორციელებული ახალგაზრდული პროგრამის მონაწილეებმა საინიციატივო ჯგუფი ჩამოაყალიბეს. 5 წევრისგან შემდგარი გუნდის, „ზრუნვას“ საქმიანობა პროექტის ფარგლებს გასცდა და სამოქალაქო აქტივობას ქვემო ქართლში განაგრძობს.
ახალგაზრდები – რუსუდან მელიქიძე, გულია ნაბიევა, გიორგი კაპანაძე და მარიამ აბულაძე „სამოქალაქო მონაწილეობის პროგრამის“ (CPP) პირველი ნაკადის მონაწილეები იყვნენ. CPP ქვემო ქართლისა და სამცხე-ჯავახეთის რეგიონებში მცხოვრები ახალგაზრდების გაძლიერებასა და მხარდაჭერას ისახავს მიზნად. პირველი ნაკადის აქტივობები 2022 წლის ივლისიდან 2023 წლის თებერვლამდე მიმდინარეობდა და მოიცავდა სამოქალაქო განათლების ბანაკის, საპროექტო იდეის შემუშავებისა და განხორციელების ეტაპებს.
სწორედ სამოქალაქო განათლების ბანაკში ჩამოყალიბდა „ზრუნვას“ გუნდი, რომელმაც „პოზიტიური მშობლობის პოპულარიზაცია ქვემო ქართლში“ იდეა შეიმუშავა. პროექტის მთავარი ამოცანას პოზიტიური მშობლობის შესახებ ქვემო ქართლში მცხოვრები 10 წლამდე ბავშვების მშობლების ინფორმირებულობის ამაღლება წარმოადგენდა. ახალგაზრდებმა საინფორმაციო შეხვედრები ქალაქ რუსთავსა და გარდაბანში, ასევე გარდაბნისა და მარნელის მუნიციპალიტეტების სოფლებში – ვაზიანი და ხულდარი – ქართულ და აზერბაიჯანულენოვანი მოსახლეობისთვის ჩაატარეს. უფრო ფართო აუდიტორიისთვის ხმის მისაწვდენად კი შექმნეს Facebook გვერდი, სადაც ორენოვანი საინფორმაციო პოსტები და საგანმანათლებლო მოკლე ვიდეოები განათავსეს.
„პროექტის შემუშავების პროცესში მივხვდით, რომ საინტერესო თემას შევეჭიდეთ. ეს მშობლების, მასწავლებლებისა და ჩვენი Facebook გვერდის გამომწერების გამოხმაურებმაც დაგვიდასტურა“.
ჩვენს სესიებზე მშობლები ძალიან გახსნილები იყვნენ. 30-კაციან სემინარებზეც მათ შეეძლოთ ხმამაღლა ესაუბრათ პირად გამოცდილებებსა და პრობლემებზე. იმდენად ინტერაქციული იყო პროცესი, ხშირად დაგეგმილ დროს 1-2 საათით აჭარბებდა“, – ასე აღწერს პროექტის განვითარების პროცესს „ზრუნვას“ ერთ-ერთი წევრი, რუსუდან მელიქიძე.
ასეთი გამოხმაურება გუნდითვის დიდი მოტავაცია გახდა, პროგრამა გაეგრძელებინათ და დახვეწილი სახით უფრო ფართო აუდიტორიამდე მიეტანათ.
„ამ პროგრამაში მონაწილეობა ჩვენთვის, ყველასთვის იყო საინტერესო გამოცდილება. პირველ რიგში, იმიტომ, რომ პროგრამის დასრულების დღესვე არ დამთავრებულა ჩვენ შორის ურთიერთობა და არც ჩვენსა და CENN-ს შორის კომუნიკაცია.
ამ პროექტმა დაგვანახა თუ რაოდენ მნიშვნელოვანია კონკრეტული საკითხის შესახებ ცოდნის გავრცელება, განსაკუთრებით იმ სოციუმში, სადაც საკითხზე ინფორმირებულობის დონე დაბალია. ამ პროცესით მიღებულმა სიამოვნებამ საქმის გაგრძელების მოტივაცია მოგვცა და დარწმუნებული ვარ, რომ ეს ენთუზიაზმი დიდხანს გაგვყვება“, – ამბობს რუსუდანი.
„ზრუნვას“ გუნდს მოგვიანებით კიდევ ერთი წევრი, ფსიქოლოგი და ქცევის თერაპევტი, მინაია გუსეინოვა შეურთდა. ამჟამად ახალგაზრდები ახალ იდეაზე მუშაობენ, რომელიც ქვემო ქართლში მცხოვრები ბავშვების ფსიქო-სოციალურ კეთილდღეობის გაუმჯობესებას უკავშირდება. პროექტის ძირითადი ამოცანაა 3-10 წლამდე ბავშვების მშობლებში პოზიტიური მშობლობის კომპონენტების შესახებ ინფორმირებულობის ამაღლება და შესაბამისი უნარ-ჩვევების განვითარების ხელშეწყობა. ასევე პროექტი მიზნად ისახავს ეთნიკურად აზერბაიჯანელი, სპეციალური საჭიროებების მქონე ბავშვებისთვის ისეთ სერვისებზე ხელმისაწვდომობის გაზრდას, როგორებიცაა ლოგოპედის, ადრეული განვითარების პეციალისტის, ქცევითი თერაპევტის და სხვა სპეციალისტების მომსახურებას.
„მოცემული თერაპიები ფინანსდება მუნიციპალიტეტების მიერ, ასევე ზრუნვის სააგენტოს აქვს რეაბილიტაციის და ადრეული განვითარების პროგრამები. თუმცა, ხშირად მშობლები მათ შესახებ ინფორმაციას არ ფლობენ ან ვერ აიდენტიფიცირებენ შვილების საჭიროებებს.
ამ მხივ განსაკუთრებით რთული სიტუაციაა ეთნიკურ უმცირესობებში. აზერბაიჯანული ენის მცოდნე სპეციალისტი სულ რამდენიმეა და მათი მომსახურების მისაღებად დიდი მანძილის გავლა უწევს ძალიან ბევრ ბავშვს. ასევე ბევრმა მშობელმა სახელმწიფო ენის არ ცოდნის გამო არ იცის, როგორ შეაგროვოს საჭირო საბუთები ან როგორ უნდა მიმართოს ექიმს, მუნიციპალიტეტს, ზრუნვის სააგენტოს ან მომსახურების მიმწოდებელ ცენტრს“, – ამბობს რუსუდანი.
პროექტი ქვემო ქართლის ყველა მუნიციპალიტეტის დაფარვას ითვალისწინებს. აღნიშნული იდეა ჯერ კიდევ დახვეწის ეტაპზეა.
„ზრუნვას“ გუნდი საქმიანობას განაგრძობს, როგორც საინიციატივო ჯგუფი, თუმცა აქტიურად მუშაობს ორგანიზაციის ოფიციალურად ჩამოყალიბებაზე.
პროექტი „სამოქალაქო საზოგადოების გაძლიერება ინკლუზიური და პოსტ-კოვიდ აღდგენისათვის“ 4-წლიანი ინტერვენციაა, რომელიც დაფინანსებულია ევროკავშირის მიერ და მიმდინარეობს 2022 წლის იანვრიდან. პროექტი ხორციელდება ორგანიზაცია CENN-ის მიერ კონსულტაციისა და ტრენინგის ცენტრთან (CTC), ქვემო ქართლის მედიასა (KKM) და ორგანიზაცია პირველ ევროპელთან(FE) ერთად.
