ევროკავშირის მხარდაჭერით მიმდინარე პროექტის „სამოქალაქო საზოგადოების გაძლიერება ინკლუზიური მწვანე პოსტ-კოვიდ აღდგენისათვის“ ფარგლებში, CENN აცხადებს კონკურსს 18-29 წლის ახალგაზრდებისათვის ქვემო ქართლისა და სამცხე- ჯავახეთის რეგიონებიდან სამოქალაქო მონაწილეობის 6-თვიან სასწავლო პროგრამაში მონაწილეობის მისაღებად.
სამოქალაქო მონაწილეობის სასწავლო პროგრამის მიზანია, მხარდაჭერა გამოუცხადოს ახალგაზრდებს ადგილობრივ დონეზე სოციალურ-ეკონომიკური პრობლემების დაძლევაში.
პროგრამის ფარგლებში, მონაწილეები გაივლიან ტრენინგებს სხვადასხვა მიმართულებით როგორიცაა, პროექტების წერა და მართვა, ადვოკატირება, არსებული რესურსების ეფექტიანი გამოყენება, კამპანიების დაგეგმვა და განხორციელება, და სხვა. შერჩეული ახალგაზრდები იმუშავებენ მენტორებთან და ექსპერტებთან ერთად და შეიმუშავებენ პროექტებს, რომლებსაც ადგილებზე განახორციელებენ.
პროგრამა შედგება 3 ნაწილისაგან:
- სამოქალაქო განათლების ბანაკი: 31 ივლისი – 4 აგვისტო, 2024, ბულაჩაურის მწვანე ცენტრი: სამოქალაქო განათლების ბანაკის ფარგლებში, მონაწილეებს ექნებათ შესაძლებლობა, გაიცნონ თანატოლები, მოისმინონ თემატური ლექციები, შეიმუშაონ იდეები, რომლებიც თემში არსებული პრობლემების მოგვარებისკენ იქნება ორიენტირებული და ჩამოაყალიბონ შესაბამისი საპროექტო განაცხადები;
- მენტორინგი: 1-10 სექტემბერი, 2024: თემატური ექსპერტების ჩართულობით, მონაწილეებს შესაძლებლობა ექნებათ, სამოქალაქო განათლების ბანაკში შექმნილი საპროექტო განაცხადები და იდეები გააუმჯობესონ, დახვეწონ და საბოლოო სახე მისცენ;
- პროექტების დაფინანსება და განხორციელება: სექტემბერი- დეკემბერი, 2024: აღნიშნული ფაზის განმავლობაში დაფინანსდება და ახალგაზრდების მიერ განხორციელდება მათ მიერ შემუშავებული წარმატებული საპროექტო განაცხადები.
პროგრამაში მონაწილეობის მიღება შეუძლია ქვემო ქართლიდან და სამცხე-ჯავახეთიდან 18-29 წლის ახალგაზრდებს, რომლებიც დაინტერესებული და მოტივირებული არიან, აქტიურად იმუშაონ ადგილობრივ დონეზე არსებული სოციალურ-ეკონომიკური პრობლემების მოგვარებაზე.
დაინტერესებულმა პირებმა, გთხოვთ, შეავსოთ სააპლიკაციო ფორმა.
განაცხადების მიღების ბოლო ვადაა 2024 წლის 25 ივნისი, 18:00 სთ.
პროგრამის შერჩეულ მონაწილეებს ინფორმაცია მიეწოდებათ აპლიკაციაში მითითებული ელექტრონული ფოსტის საშუალებით, ასევე, პროგრამის მონაწილეების შერჩევის შემდგომ, კომუნიკაციის მთავარ საშუალებად გამოყენებული იქნება ელექტორნული ფოსტა. შესაბამისად, მნიშვნელოვანია, კონკურსანტს ჰქონდეს საკუთარი აქტიური ელექტრონული ფოსტა, რომელსაც ამოწმებს ყოველდღიურად.
განაცხადები შეფასდება კომისიის მიერ, წინასწარ დადგენილი შემდეგი კრიტერიუმების მიხედვით:
- მოტივაცია – რატომ სურს კონკურსანტს პროგრამაში მონაწილეობა;
- სამომავლო გეგმები – რა ტიპის პრობლემებზე მუშაობა სურს კონკურსანტს პროგრამის ფარგლებში;
- ლიდერობისა და აქტიური მოქალაქეობის პოტენციალი.
ინფორმაცია პროგრამის ვადების შესახებ
|
საკონკურსო განაცხადების მიღების პერიოდი: |
30 მაისი – 25 ივნისი, 2024 |
|
საკონკურსო განაცხადების განხილვის პერიოდი: |
26 ივნისი – 10 ივლისი, 2024 |
|
შერჩეულ ახალგაზრდებთან დაკავშირება: |
12 ივლისი, 2024 |
|
სამოქალაქო განათლების ბანაკი: |
31 ივლისი – 4 აგვისტო, 2024 |
|
მენტორინგის ეტაპი: |
1-10 სექტემბერი, 2024 |
|
დაფინანსებული პროექტების განხორციელება: |
სექტემბერი- დეკემბერი, 2024 |
დამატებითი კითხვების შემთხვევაში დაგვიკავშირდით: ლამარა მალხასიან: lamara.malkhasyan@cenn.org