ევროკავშირის მხარდაჭერით, CENN-მა, პარტნიორ ორგანიზაციებთან ახალგაზრდა პედაგოგთა კავშირი “Young Pedagogues’ Union”თან, Institute of Democracy დემოკრატიის ინსტიტუტისა და Keda Leader • ადგილობრივი განვითარების ჯგუფი – LAG ერთად, ფესტივალს „მწვანე გურია” უმასპინძლა.
ფესტივალის მიზანი იყო გურიის ტურისტული და სამეწარმეო პოტენციალის პოპულარიზაცია და პროექტის დასასრულს, მიღწეული შედეგებისა და წარმატებების გაზიარება.
ღონისძიების ფარგლებში სტუმრებს შესაძლებლობა ჰქონდათ:
- გაცნობოდნენ ადგილობრივ ფერმერებსა და მეწარმეებს და შეეძინათ მათი პროდუქცია;
- დაეგემოვნებინათ გამორჩეული გურული ნაწარმი;
- დაეთვალიერებინათ რეგიონის ტურისტული და სამეწარმეო ობიექტების ექსპოზიცია;
- ჩართულიყვნენ კერამიკის ვორქშოფში.
ღონისძიების ოფიციალურ ნაწილში შეჯამდა პროექტის მიღწევები და გაიმართა პანელური დისკუსია თემაზე: „მწვანე გურიის“ პროექტის გავლენა რეგიონის განვითარებაზე: ბენეფიციარებისა და ადგილობრივი სამოქმედო ჯგუფების წარმომადგენელთა პერსპექტივები“.
დიდი მადლობა თითოეულ სტუმარს მობრძანებისთვის და ადგილობრივი მეწარმეების მხარდაჭერისთვის!
ფესტივალი გაიმართა ევროკავშირის მხარდაჭერით მიმდინარე „მწვანე გურიის“ პროექტის ფარგლებში, რომელსაც ახორციელებს CENN, პარტნიორ ორგანიზაციებთან – ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივი განვითარების ჯგუფთან ერთად.
