სამოქალაქო საზოგადოების განვითარების პროექტი

კორონავირუსის შედეგად გამოწვეულმა პანდემიამ უფრო ნათელი გახადა სოციალურ და ჯანდაცვის სისტემებში არსებული გამოწვევები და სოციალური უთანასწორობა საქართველოს მოწყვლად რეგიონებში. ვირუსის გავრცელებამ მნიშვნელოვანი გავლენა იქონია ქვემო ქართლისა და სამცხე-ჯავახეთის მრავალეთნიკურ რეგიონებზე, სადაც კიდევ უფრო გაღვივდა უთანასწორობის პრობლემა. გარდა ამისა, კორონავირუსმა მკვეთრად გააუარესა სოციალური სერვისების გაწევის ხარისხი სოციალურად მოწყვლად თემებში.

გამოცდილება აჩვენებს, თუ რამდენად მნიშვნელოვანია ძლიერი ადგილობრივი სამოქალაქო საზოგადოების როლი კრიზისების მართვაში, პოლიტიკის შემუშავების პროცესში ჩართულობასა და ადამიანების უფლებებზე დაფუძნებული სოციალური მომსახურებების გაწევაში. ძლიერი ადგილობრივი სამოქალაქო საზოგადოება უზრუნველყოფს სოციალურ სერვისებზე თანაბარ ხელმისაწვდომობას, განსაკუთრებით დაუცველ და მარგინალიზებულ თემებში მცხოვრები ადამიანებისთვის. საქართველოს სამოქალაქო საზოგადოების განვითარებაში საერთაშორისო დონორების აქტიური მხარდაჭერის მიუხედავად, სამოქალაქო საზოგადოებრივი ორგანიზაციების ჩართულობა მმართველობისა და პოლიტიკის შემუშავებაში მაინც დაბალია.

სოციალური მომსახურების ხელმისაწვდომობის გაუმჯობესებისა და ეთნიკური უმცირესობების შესაძლებლობების მიზნით, განსაკუთრებით მნიშვნელოვანია მონაწილეობით პროცესების სტიმულირება და ერთიანი ძალისხმევა სამოქალაქო საზოგადოებრივი ორგანიზაციებისა და ადგილობრივი ხელისუფლების მხრიდან. ეს მიდგომა ქმნის ფართო დემოკრატიული საკუთრების საფუძვლებს, რაც აუცილებელია არსებული გამოწვევებისა და პრობლემების ეფექტიანი გადაჭრისათვის.