ხანგრძლივობა: 01/01/2021 – 12/01/2024
გეოგრაფიული დაფარვა: გურია, იმერეთი, კახეთი, რაჭა-ლეჩხუმი, ქვემო სვანეთი
განმახორციელებელი: CENN
დონორი: ევროკავშირი
საქართველოში სამოქალაქო საზოგადოების ორგანიზაციების (CSOs) სუსტი ჩართულობა კლიმატის ცვლილების ეროვნული პოლიტიკის შემუშავებასა და ფორმულირებაში სხვადასხვა მიზეზითაა განპირობებული: კლიმატის პოლიტიკის პროცესების, ინსტიტუციებისა და დაინტერესებული მხარეების შესახებ არასათანადო ცოდნა, პოლიტიკურ გადაწყვეტილებებში ჩართვის სუსტი სტრატეგიები, სანდო მონაცემების ნაკლებობა და მტკიცებულებათა არასათანადო გამოყენება, კომუნიკაციის არაეფექტიანი
მიდგომები, მუშაობის იზოლირებული სტილი და პოლიტიკაზე გავლენის მოხდენის შეზღუდული შესაძლებლობა. კიდევ უფრო დაბალია CSO-ების ჩართულობა ადგილობრივ დონეზე. პროექტი ქვეყნის მასშტაბით იმუშავებს და ეროვნულ და ადგილობრივ დონეზე ითანამშრომლებს ოთხი (4) სამიზნე რეგიონის (გურია, იმერეთი, რაჭა-ლეჩხუმი და კახეთი) ათი (10) მუნიციპალიტეტის CSO-ებსა და სხვა დაინტერესებულ მხარეებთან რეგიონული დაინტერესებული მხარის მონაწილეობით შექმნილი კლიმატის სამოქმედო ჯგუფების (CAGs) ჩამოყალიბებისა და გაძლიერების, კლიმატის ცვლილებების მიმართ მედეგობის გაზრდისა და წყლის უსაფრთხოების გაუმჯობესების მიზნით, ადგილობრივი
თანამონაწილეობითი პროცესების დასაწყებად. პროექტი ემყარება ხედვას, რომ ძლიერი და კომპეტენტური სამოქალაქო საზოგადოება ხელს უწყობს საზოგადოებაში თვითრწმენისა და მედეგობის განვითარებას, ეხმარება რა სახელმწიფოს, როგორც სოციალური მომსახურების მთავარ მომწოდებელს.
სამიზნე რეგიონებში სამოქალაქო საზოგადოების განვითარების დონე არაერთგვაროვანია, ასევე, განსხვავებულია, მოსახლეობის კეთილდღეობასთან დაკავშირებული, გარემოსდაცვითი გამოწვევები. CSO-ების აბსოლუტურ უმრავლესობას ახასიათებს უნარ-ჩვევებისა და კომპეტენციის დაბალი დონე და, განვითარებაზე მიმართული დახმარებისა და ადგილობრივი ინიციატივების სიმწირით გამოწვეული,
გამოცდილების ნაკლებობა ან არარსებობა. სამიზნე რეგიონებში CSO-ები უფრო მომსახურების გაწევაზე არიან ორიენტირებულნი, ნაკლებად არიან ჩართულები პოლიტიკის შემუშავებაში, საჭირო ცოდნის, სტიმულისა და რესურსების არ ქონის გამო. ინფორმაციაზე, კავშირებზე, კვალიფიციურ პროფესიონალებსა და სხვა აუცილებელ უნარებსა და რესურსებზე შეზღუდული ხელმისაწვდომობის გამო, CSO-ების ინსტიტუციური სტაბილურობა და ფინანსური სიცოცხლისუნარიანობა კვლავ გამოწვევად რჩება
ევროკავშირის მიერ მხარდაჭერილი საქართველოს კლიმატის პროგრამის (GEO-CAP) ფარგლებში, CENN, პროექტის განმახორციელებელ პარტნიორებთან KRDF, ACU, YPU და RLS, ADA ერთად, ხელს უწყობს სამოქალაქო საზოგადოების ჩართულობის გაზრდას კლიმატის ცვლილების პოლიტიკის შემუშავებასა და განხორციელებაში. კლიმატის ცვლილების მიმართ მედეგობისა და წყლის უსაფრთხოების გაზრდის მიზნით, პროექტი გააძლიერებს
სამოქალაქო საზოგადოების როლს კლიმატის ცვლილების წინააღმდეგ ბრძოლაში, კლიმატის ცვლილების საკითხზე დაინტერესებული მხარეების ჩართულობით ეროვნული პლატფორმისა და რეგიონალური სამოქმედო ჯგუფების შექმნისა და სახელმწიფო და არასახელმწიფო მხარეებს შორის ნდობისა და თანამშრომლობის გაღრმავების გზით.
პროექტი განხორციელდება ქვეყნის მასშტაბით და ეროვნულ და ადგილობრივ დონეზე
ითანამშრომლებს ოთხი (4) სამიზნე რეგიონის (გურიის, იმერეთის, კახეთისა და რაჭა-ლეჩხუმისა და ქვემო სვანეთის რეგიონები) ათ (10) მუნიციპალიტეტში1 CSO-ებსა და სხვა დაინტერესებულ მხარეებთან. პროექტი ხელს შეუწყობს ადგილობრივი CSO-ების აქტივობას ინკლუზიური მმართველობისა და სამართლიანი განვითარების მიმართულებით, მოახდენს წყლის უსაფრთხოებაზე მიმართული ინოვაციური პროექტების სარგებელის დემონსტრირებას, რაც ხელს შეუწყობს კლიმატის ცვლილების შერბილებას და მასთან ადაპტაციას, ადამიანის ჯანმრთელობისა და გარემოს დაცვას, გარემოსა და
ადამიანის ჯანმრთელობის დაცვის ადვოკატირების საქმეში სამოქალაქო ორგანიზაციების როლის აღიარებასა და ცნობიერების ამაღლებას. პროექტი გააძლიერებს 50-მდე სამოქალაქო საზოგადოების ორგანიზაციას. საერთო ჯამში, პროექტი 10 სამიზნე მუნიციპალიტეტში მოიცავს 200,000-მდე ადამიანს.
- სხვადასხვა დაინტერესებული მხარის მონაწილეობით კლიმატის ეროვნული პლატფორმის (1) და კლიმატის სამოქმედო რეგიონული ჯგუფების (CAGs) (4) შექმნა კლიმატის ცვლილებასთან დაკავშირებული სტრატეგიების შემუშავებასა და განხორციელებაში სამოქალაქო საზოგადოების ჩართულობის ხელშეწყობის მიზნით
- დაინტერესებული მხარეების ჩართულობით წარმართული თანამონაწილეობითი პროცესის ხელშეწყობა სამიზნე რეგიონებში კლიმატის ცვლილების მიმართ მოწყვლადობასა და წყლის უსაფრთხოებასთან დაკავშირებული პრიორიტეტული საკითხების იდენტიფიცირების, შეფასებისა და წარმატებული ერთობლივი ღონისძიებების განხორციელების დემონსტრირების მიზნით;
- მესამე მხარეებისთვის ფინანსური მხარდაჭერისა და ტექნიკური შესაძლებლობების განვითარების შეთავაზება წყლის უსაფრთხოების ინოვაციური პროექტების განსახორციელებლად, რაც ხელს შეუწყობს კლიმატის ცვლილების შერბილებას და მასთან ადაპტაციას, საზოგადოების მედეგობის გაზრდასა და ადამიანის ჯანმრთელობისა და გარემოს დაცვას;
- ცნობიერების ამაღლების ღონისძიებების განხორციელება, რაც ხელს შეუწყობს სამოქალაქო საზოგადოების როლის გაძლიერებას გარემოს, კლიმატისა და ადამიანის ჯანმრთელობის დაცვის სფეროში; პროექტის ცნობადობის უზრუნველყოფა მსგავსი ინიციატივების განხორციელების წახალისების მიზნით.