CENN-მა, გერმანიის მთავრობის ფინანსური მხარდაჭერითა და ხუთი მუნიციპალიტეტის (ქუთაისი, ზუგდიდი, ბათუმი, თელავი, რუსთავი) მერიებთან თანამშრომლობით მდგრადი განვითარების მიზნების (SDGs) ადგილობრივ დონეზე დანერგვის მნიშვნელობაზე საინფორმაციო კამპანიები განახორციელა.
საინფორმაციო კამპანიები მოიცავდა თემატურ ვორქშოფებს ახალგაზრდებისათვის და სხვადასხვა ადილობრივ აქტორებთან (მუნიციპალიტეტის მერია, სამოქალაქო სექტორი, მედია, აკადემიური ინტიტუტები, ბიზნეს სექტორი) ერთობლივ შეხვედრებს.
კამპანიის ფარგლებში, 250-მდე ახალგაზრდამ და სამოქალაქო სექტორის წარმომადენელმა მიიღო ინფორმაცია გაეროს მდგრადი განვითარების მიზნებზე (SDGs). მათ გაიგეს მეტი თავიანთი ქალაქების მდგრადი განვითარების პროცესში საკუთარი როლისა და შესაძლებლობების შესახებ, შეხვდნენ სხვადასხვა სექტორის წარმომადგენლებს, გაეცნენ მდგრადი განვითარების მიზნების განხორციელების მიმართულებით მუნიციპალიტეტებში მიმდინარე პროცესებს და თავად შეიმუშავეს SDGs თანამშრომლობის რუკები.
საინფორმაციო კამპანიები განხორციელდა პროექტის „SDG-ების განხორციელების ხელშეწყობა საქართველოში“ ფარგლებში, რომელსაც ფინანსურ მხარდაჭერას უწევს გერმანიის საერთაშორისო თანამშრომლობის საზოგადოება (GIZ) გერმანიის ეკონომიკური თანამშრომლობისა და განვითარების ფედერალური სამინისტროს (BMZ) ეგიდით. პროექტის მიზანია SDG-ების განხორციელების ხელშეწყობა, ნაციონალიზაციისა და ლოკალიზაციის (ადგილობრივ დონეზე დანერგვის) პროცესების გაგრძელება მონაწილეობითი პროცესისა და მრავალსექტორული დიალოგის უზრუნველყოფის გზით ადგილობრივ და ეროვნულ დონეზე.
