6 ოქტომბერს, შვეიცარული ორგანიზაცია HEKS/EPER-ის ფინანსური მხარდაჭერით მიმდინარე პროექტის „კლიმატის ცვლილების მიმართ მედეგი სოფლის მეურნეობა – PRAISE Marneuli” ფარგლებში, CENN მედიის წარმომადგენლებს გიწვევთ მარნეულის მუნიციპალიტეტში მედიატურში მონაწილეობის მისაღებად.
მედიატურის მიზანია, რეგიონული თუ ცენტრალური მედიის წარმომადგენლებისთვის კლიმატის ცვლილების მიმართ მედეგი სოფლის მეურნეობის თანამედროვე პრაქტიკებისა და საგრანტო კონკურსის ფარგლებში დაფინანსებული ინიციატივების გაცნობა, ასევე, ცნობიერების ამაღლება სოფლის მეურნეობის კლიმატის ცვლილებასთან ადაპტაციის აუცილებლობის შესახებ.
მედიატური მოიცავს პროექტის ფარგლებში დაფინანსებული კლიმატის ცვლილების მიმართ მედეგი სასოფლო-სამეურნეო ინიციატივების მონახულებას.
ტურის დასრულების შემდეგ, მონაწილეებმა უნდა შექმნან სტატიები, ფოტო, ტვ და რადიო რეპორტაჟები, სიუჟეტები, ბლოგები ან ვლოგები.
მედიატურში მონაწილეობის მიღება შეუძლია ნებისმიერი მედია პლატფორმის წარმომადგენელს, ვლოგის ან/და ბლოგის ავტორებს.
მონაწილეობის მსურველებმა უნდა გაიარონ რეგისტრაცია 2023 წლის 4 ოქტომბრის ჩათვლით შემდეგ ბმულზე: https://forms.gle/xNWXA97XE2hoMrrD9
HEKS/EPER-ის მხარდაჭერით, CENN დაფარავს ტურში მონაწილეობის ყველა ხარჯს.
დამატებითი ინფორმაციისათვის, გთხოვთ, დაგვიკავშირდით:
სოფიკო ბაბალაშვილი, CENN
ტელ: 595 06 48 21 , E-mail: sopiko.babalashvili@cenn.org
მარიკო წიქორიძე, CENN
ტელ: 599 63 04 24, E-mail: mariko.tsikoridze@cenn.org