ხანგრძლივობა: 2024-2028
გეოგრაფიული დაფარვა: კახეთი და აჭარის ავტონომიური რესპუბლიკა
განმახორციელებელი: CENN
პარტნიორი: ICLEI Europe
დონორი: ევროკავშირი საქართველოში
პროექტის მიზანია საქართველოში კლიმატ-მედეგობის გაძლიერება და სამართლიანი გარდაქმნის პროცესის ხელშეწყობა. მიზნის მიღწევა დაგეგმილია ადგილობრივი დაინტერესებული მხარეების მხარდაჭერისა და მათი პროცესებში აქტიური ჩართულობის გზით. მხარეთა გაძლიერება საშუალებას მისცემს მათ უფრო ეფექტურად განახორციელონ ადვოკატირება და წარმატებით შეასრულონ თავიანთი როლი ნარჩენების პრევენციისა და ცირკულარული ეკონომიკის დაგეგმვისა და განხორციელების პროცესში. ამ პროცესში მონაწილეთა როლის გაძლიერება ხელს შეუწყობს რესურსების გამოყენების ეფექტიანობის გაზრდას, მდგრადი მოხმარებისა და წარმოების ხელშეწყობას, ნარჩენების წარმოქმნის შემცირებას აჭარის ავტონომიურ რესპუბლიკასა და კახეთის რეგიონში.
როექტი მუშაობს დიალოგის, სწავლის მექანიზმებისა და თანამონაწილეობრივი, მტკიცებულებებზე დაფუძნებული პოლიტიკის შემუშავების პროცესის გაძლიერებაზე ნარჩენების პრევენციისა და ცირკულარული ეკონომიკის მიმართულებით:
- ცირკულარული ეკონომიკის დიალოგის პლატფორმა
- სასწავლო პროგრამები (ცირკულარობის აკადემია, ცირკულარული ეკონომიკის პროფესიონალები და Peer-to-peer გაცვლითი პროგრამები)
- საქართველოს ცირკულარული ეკონომიკის ცოდნის ჰაბი
- პოლიტიკის შემუშავება
ასევე, ნარჩენების პრევენციისა და ცირკულარული ეკონომიკის მასშტაბირებადი მოდელების დანერგვასა და ტესტირებაზე, ინკლუზიური, სექტორებს შორის თანამშრომლობისა და მრავალსექტორული პარტნიორობის გამოყენებით:
- ინდუსტრიული სიმბიოზის ქსელი
- ცირკულარული ეკონომიკის გადაწყვეტების პილოტირება
- ფინანსური და ტექნიკური დახმარება
პროექტი ასევე აქტიურად მუშაობს მოსახლეობის ქცევის ცვლილების სტიმულირებაზე ნარჩენების პრევენციისა და ცირკულარული ეკონომიკის გამოყენების მიმართულებით.