CENN-მა, შვეიცარიული ორგანიზაცია HEKS/EPER-ის ფინანსური მხარდაჭერით მიმდინარე პროექტის „კლიმატის ცვლილების მიმართ მედეგი სოფლის მეურნეობა – PRAISE Marneuli” ფარგლებში შექმნილ ,,გოგონების გაძლიერების კლუბთან” ერთად გამოფენასა და საინფორმაციო შეხვედრას უმასპინძლა, თემაზე – მარნეული პლასტმასის გარეშე.
შეხვედრაში მონაწილეობა მარნეულის ხუთმა ეკოკლუბმა მიიღო. მონაწილეებმა პლასტმასის ნარჩენისგან დამზადებული დეკორატიული ნივთები გამოფინეს, მონაწილეობა მიიღეს გარემოსდაცვით საკითხებზე დისკუსიაში და შეხვედრა მოკლემეტრაჟიანი დოკუმენტური ფილმების ჩვენებით და მათი განხილვით დაასრულეს.
შეხვედრის მიზანი მარნეულის მუნიციპალიტეტში მცხოვრები ახალგაზრდების ცნობიერების ამაღლება და მათ მიერ ადგილობრივ თემში გარემოსდაცვითი ინიციატივების განხორციელების წახალისება იყო.
ღონისძიება ჩატარდა „კლიმატის ცვლილების მიმართ მედეგი სოფლის მეურნეობა – PRAISE Marneuli“ – პროექტის ფარგლებში, რომელიც ხორციელდება CENN-ის მიერ შვეიცარიული ორგანიზაცია HEKS/EPER-ის ფინანსური მხარდაჭერით. პროექტის მიზანია მარნეულის მუნიციპალიტეტში მოსახლეობის შემოსავლების შექმნის შესაძლებლობების გაზრდა, გარემოსადმი მეგობრული და კლიმატის ცვლილების მიმართ მედეგი სოფლის მეურნეობის (CRA) ხელშეწყობის გზით.