შვეიცარული ორგანიზაცია HEKS-EPER-ის ფინანსური მხარდაჭერით, CENN-ის პროექტის – კლიმატის ცვლილების მიმართ მედეგი სოფლის მეურნეობა-PRAISE Marneuli – ფარგლებში მარნეულის გოგონების გაძლიერების კლუბი გორის საჯარო სკოლების ეკოკლუბებს დაუმეგობრდა.
მარნეულის გოგონების გაძლიერების კლუბი სამუშაო ვიზიტით ქალაქ გორში იმყოფებოდა. გოგონების კლუბის წევრები გორის ინოვაციების ჰაბს ესტუმრნენ და გორის საჯარო სკოლების ეკოკლუბის წევრებს შეხვდნენ. ეკოკლუბებმა და გოგონების კლუბა წარადგინეს თავიანთი საქმიანობის შესახებ პრეზენტაციები, იმსჯელეს იმის შესახებ, თუ რა გამოწვევები და საჭიროებები აქვთ მარნეულის და გორის მუნიციპალიტეტებში ახალგაზრდებს და რა როლი აქვთ ახალგაზრდებს თავიანთი თემის განვითარებაში. შეხვედრის ბოლოს ეკოკლუბების და გოგონების კლუბის წარმომადგენლებმა ხელი მოაწერეს ურთიერთთანამშრომლობის მემორანდუმს და შეთანხმდნენ ერთობლივი ინიციატივების განხორციელებაზე.
მარნეულის გოგონების გაძლიერების კლუბის ვიზიტი განხორციელდა “კლიმატის ცვლილების მიმართ მედეგი სოფლის მეურნეობა – PRAISE MARNEULI” პროექტის ფარგლებში, რომელიც ხორციელდება CENN-ის მიერ, HEKS-EPER-ის ფინანსური მხარდაჭერით. პროექტის მიზანია მარნეულის მუნიციპალიტეტში მოსახლეობის შემოსავლის შექმნის შესაძლებლობების გაზრდა, გარემოსადმი მეგობრული და კლიმატის ცვლილების მიმართ მედეგი სოფლის მეურნეობის (CRA) ხელშეწყობის გზით.