ფინანსური დახმარების კონკურსი: ნარჩენების პრევენციისა და ცირკულარული ეკონომიკის პრაქტიკების მხარდაჭერა კახეთსა და აჭარაში

კონკურსის მიზანია სამიზნე რეგიონებში ისეთი ინოვაციური, პრაქტიკული და მდგრადი პროექტების განხორციელება, რომლებიც ხელს შეუწყობს:

• ნარჩენების შემცირებისა და ცირკულარული ეკონომიკის საუკეთესო პრაქტიკის დემონსტრირებას: პროექტები, რომლებიც პრაქტიკაში აჩვენებს ნარჩენების პრევენციისა და ცირკულარული ეკონომიკის ეფექტიან და ინოვაციურ მიდგომებს (რესურსების რაციონალურად გამოყენება, ნარჩენების წარმოქმნის თავიდან აცილება, შემცირება, ხელმეორედ გამოყენება, სეპარაცია/გადამუშავება, აგრეთვე მოწინავე ტექნოლოგიური გადაწყვეტები — პროგრამული უზრუნველყოფა, ციფრული ინსტრუმენტები, აპლიკაციები და სხვ.);

• მწვანე ღირებულებათა ჯაჭვების შექმნას: მდგრადი ეკონომიკური ურთიერთობებისა და პრაქტიკების ჩამოყალიბება, რომლებიც უზრუნველყოფს რესურსების მაქსიმალურად ეფექტიან გამოყენებას, ნარჩენების მინიმიზაციასა და პროდუქტების სასიცოცხლო ციკლის გახანგრძლივებას;

• საზოგადოების ქცევითი ცვლილებების წახალისებას: ყოველდღიური ჩვევების გადაფასება და რესურსების გამოყენებისადმი პასუხისმგებლიანი დამოკიდებულების ჩამოყალიბება.