CENN, ევროკავშირის მხარდაჭერითა და ჟურნალისტიკის რესურსცენტრთან (JRC) თანამშრომლობით, ჟურნალისტებს მთელი საქართველოს მასშტაბით იწვევს ახალგაზრდობის თემატიკაზე, კერძოდ კი ახლაგაზრდებს შორის ე.წ. NEET ჯგუფის შესახებ კონკურსში მონაწილეობის მისაღებად.
კონკურსი ტარდება ევროკავშირის მიერ დაფინანსებული პროექტის „EU4Youth: სოციალური მეწარმეობის ეკოსისტემის განვითარება მწვანე ზრდისთვის“ ფარგლებში და მისი მიზანი ახალგაზრდების გამოწვევების შესახებ ინფორმირებულობის გაზრდაა. კონკურსი ფოკუსირებულია NEET ახალგაზრდებზე, რაც გავრცელებული განმარტებით ახალგაზრდების ისეთი ჯგუფია, რომელიც არ არის დასაქმებული, არ იღებს განათლებას, და, ზოგადად, არ არის აქტიური საზოგადოებრივ ცხოვრებაში ჩართული.
კონკურსის ფარგლებში გამოვლინდება 3 საუკეთესო განაცხადი, რომლებიც დაჯილდოვდებიან შემდეგ ნომინაციებში:
- საუკეთესო აუდიო-ვიზუალური მასალა (პრიზი: ტექნიკის 800 ლარიანი ვაუჩერი)
- საუკეთესო აუდიო მასალა (პრიზი: ტექნიკის 800 ლარიანი ვაუჩერი)
- საუკეთესო ტექსტურ-გრაფიკული მასალა (პრიზი: ტექნიკის 800 ლარიანი ვაუჩერი)
კონკურსში მონაწილეობის პირობები
დაინტერესების შემთხვევაში, გთხოვთ, გამოაგზავნოთ საკონკურსო განაცხადი მიმდინარე წლის 19 თებერვლამდე შემდეგ ელ. ფოსტებზე ერთდროულად: jrcgeorgia@gmail.com და communications@cenn.org. ელ.ფოსტის სათაურში მიუთითეთ „CENN/JRC მედიაკონკურსი“.
გთხოვთ, მასალები გამოაგზავნოთ Word-ის დოკუმენტის სახით, რომელშიც მოცემული იქნება თქვენი სახელი, გვარი, რეგალია, სამუშაო ადგილი (მედიაპლატფორმა), ტელეფონის ნომერი, საკონტაქტო ელ.ფოსტა და გამოქვეყნებული მასალის ბმული (თუ ბმული არ იძლევა ინფორმაციას გამოქვეყნების თარიღზე, მიუთითეთ თარიღიც).
კონკურსი ინიცირებულია ევროკავშირის მიერ მხარდაჭერილი რეგიონალური პროექტის “EU4Youth: სოციალური მეწარმეობის ეკოსისტემის განვითარება (SEED) მწვანე ზრდისთვის” ფარგლებში, რომელიც ხორციელდება CENN-ის მიერ, პარტნიორ ორგანიზაციებთან KRDF (საქართველო) და Green Lane NGO (სომხეთი) ერთად. პროექტის მიზანია საქართველოში და სომხეთში მცხოვრები ახალგაზრდების სამეწარმეო პოტენციალის განვითარება, სოციალური მეწარმეობის და მწვანე ინოვაციების მიმართულებით მათი უნარ-ჩვევების გაძლიერება და ახალგაზრდების დასაქმების ხელშეწყობა.